by د\تاليا Fri Jul 30, 2010 8:33 pm
سندريلا wrote:موضوع جميل جدا
واكيد انا مع المقولة دي
لكن في حاجة مهمة عايزة اقولها
مش لازم يكون الاهل او الاصحاب ممكن اي حد
يعني لو شفت حد بيتصرف تصرف بشكل معين ممكن يتفهم غلط
وهو شايف انه صح
ممكن افهمه وجهة نظر الناس وانها ممكن تاخد انطباع عنه غلط
حتي لو كان الشخص ده مش صديقي
ممكن يفهم النصيحة ويتقبلها ويعمل بيها
وممكن يقبلها ولا يعمل بيها
وطبعا الرأي المتوقع
انت مالك
وع فكرة ممكن بردو أصحاب ولا يقبلوا النصيحة
وللأسف في أصحاب بيساعدوا بعض ع الغلط
وناس كتير لما بتلاقي حواليها تشجيع ع سلوك هي مقتنعة انه غلط
للأسف بتعتبره صح
بالنسبة للأسلوب طبعا ده مهم جدا
ومش ليه اطار معين لأنه حسب شخصية اللي هنصحه
عذرا ع الاطالة
لكن ليا تجربة أثرت في حياتي جدا هي وجهة نظري في الموضوع
أنا اتعودت ان مع أصحابي مفيش اي حدود للتعامل وان الطبيعي لو شفت حد بيتصرف بشكل خاطئ هحاسبه مش مجرد نصيحة واصحابي كمان بيعاملوني كدة حتي لو كنت مقتنعة بحاجة هقبل النقاش مهما كانت حدة الكلام
المشكلة اللي حصلت معايا مع واحدة كنا لسة متعرفين من وقت قريب لكن بقينا اصحاب بسرعة بحكم التفاهم والتواجد وحاجات كتير كانت بتربطنا
لكن لما شفتها بتعمل حاجة غلط اتصدمت خصوصا انه امر ما يختلف عليه اتنين
وحسيت اني هكون سلبية قوي لو سكت
وخاصة اني مقتنعة بأن المرء علي دين خليله
بجد الانسانة دي كانت حد غالي عندي قوي ويمكن في وقت اعتبرتها من اقرب الناس ليا ويمكن اكون اعتبرت نفسي بالنسبة ليها كدة بردو
المشكلة الحقيقية ان كان اصحابها بيثبتوها ع الغلط وبصورة اكبر كمان
وهو ده اكبر مشكلة زي ما قولت قبل كدة
ولما جات فرصة جامدة قوي للنقاش في الموضوع ده للأسف
كان في بينا مشكلة تافهة وبالرغم من أني كنت انا اللي زعلانة
نسيت الحكاية وبدأت استغل الفرصة اللي انتظرتها
انا كنت شايفة ان طريقة كلامي عادية جدا وهي لو ما كان في بينا مشاكل اصلا كانت هتفهم كلامي صح واني ما أقصد أي حاجة الا مجرد النصيحة والنقاش الي ان يقتنع حد فينا
رد فعلها كان قوي بشكل بشع ووصل لحد الاهانة في وقت صعب قوي
لمجرد كلمة قولتها ما كنت بقصد بيها اي حاجة
اتصدمت في رد فعلها لكن قلت مفيش مشكلة ممكن نتكلم بمعني والناس تفهمه بطريقة تانية خالص
شرحت وجهة نظري وصلحت الفكرة والمعني المظبوط
لكن للأسف اتصدمت للمرة التالتة بعد موقفها وحسيت اني اتظلمت في الحكاية كلها وانا في الاصل نيتي كانت خير
الاحساس بالظلم مع الاهانة بالاضافة للتجاهل
دفعني لاني افتح الموضوع تاني واقولها كلام بشع واوصفها الوصف الطبيعيي ليها كان كلامي في نصيحة بس في شكل اهانة جامدة اخر حاجة محاولة مني لاسترداد كرامتي
لدرجة اني لما افتكرت الكلام ده ضحكت لاني عمري ما تخيلت اني اقول كدة او اجرح حد عزيز عليا بالشكل ده
وطبعا قعدت اسمع اغنية افترقنا
المهم اني طبعا فكرت في الاعتذار واني اصلح ده لان وقتها كانت نفسيتي تعبانة قوي
اتكلمنا كتير واتناقشنا كتير
وحتي بعد مرور فترة طويلة قوي
حتي الان هي مش قادرة تسامحني علي كلامي ومقتنعة ان ده رأيي فيها
ولا انا قادرة اسامحها علي صدمتي فيها ولا الاهانة ولا اني بدأت بالصلح وقلتلها يالا نبدأ صفحة جديدة
وكل واحد فينا شايف ان التاني هو اللي غلط وهو اللي بدأ
عذرا للمرة التانية ع الاطالة لكن الموضوع للنقاش
ودي يمكن أقرب مشكلة ممكن تقابل ناس كتير ليها علاقة بالموضوع
طبعا راى مظبوط
بس انا بفضل ان النيحة تكون من الاهل او الاصحاب
لان اقرب ناس ليك هما الاحق بصيحتك خصوصا ان نصيحتهم هتبقى من دافع انهم شيفين مصلحتك فين
اما عن قصتك اكيد دا سوء تفاهم واردة انه يحصل
ممكن لو قعدتم مع بعض وبهدوء حاولى توصليلها وجهة نظرك بالهداوة
وببساطة اوى وان شاء الله المشكلة هتتحل وهتبقم زى الفل
خصوصا ان فيكم حجات مشتركة زى ماقولتى
وربنا ييسر لكم الامور ان شاء الله خصوصا اننا داخلين على شهر رمضان واللى مخاصم حد لازم يصلحه
الف شكر ياقمر نورتى التوبيك