اجمع حالا ...مفترق طرق....يا تلحق يا متلحقش

[You must be registered and logged in to see this image.]



أولا : كاتب الموضوع جزاه الله كــــــل خير
طالب فى كلية طب القصر العينى وطبعا بيتكلم عن كليته

بس بردو الكلام مفيد لأبعد الحدود

علطول كدة وبدون مقدمات دة موضوع مهم ولازم يتعمل
دلوقت..

عشان أقولكم حاجة مهمة
جداااااااااا

اللي فات دول كوم لوحده..
واللي جاي كوووووم تاني خالص..

بجد انتو دلوقت في مفترق طرق مهم جدا..
بالظبط زي سباق الجري.. فيه ناس بتجري الأول كويس أوي وتسبق الباقي.. وتيجي
ع الآخر وتتعب وف الآخر كل الناس يعدوها.. وفيه ناس بتبدأ ببطء وتكاسل
وبعدين بتفوق لما تلاقي نفسها ورا خالص.. وممكن ما تفوقش أصلا..

على رأي دكتور مدحت..

وفيه ناس بقى ذكية جدا وبتقدر تجري بمعدل ثابت علطول.. وممكن كمان توفر
مجهودها عشان آخر السباق..

فاهمين عايز
أقول إيه؟؟

كل اللي فات دة
ماكنش ليه أي لازمة غير إنه يبين لكم التقييم الحقيقي لمستواكم.. عشان اللي
كان ماشي غلط يفوق ويتعظ.. واللي كان ماشي صح يستمر على نفس الطريق..

دلوقت اللي جاي قدامكم كووووومة من
الامتحانات.. عملي وشفوي ونظري.. الامتحان الواحد منها بكل الدرجات اللي
فاتت..

جهزوا نفسكم كويس أوي..

وكنتيجة نهائية لسنة أولى استخلصتها لما كنت
فيها.. هاقدملكم روشتة صغيرة أتمنى إنها تفيدكم..

دلوقت ان شاء الله هتبقى
فيه سلسلة من الامتحانات.. تبدأ بالعملي مرورا بالشفوي وانتهائا
بالتحريري..
ملحوظة صغيرة قبل ما نبدأ:
الامتحانات اللي بتتعمل في السكاشن واللي بيبقى عليها 5 درجات غالبا دي
مهمة برضه.. يا ريت تذاكرولها كويس.. لأن درجاتها لما بتتجمع بتعمل شغل..

بالنسبة لامتحانات العملي:
درجاتها كتير ومهمة.. ومعتمدة بشكل أساسي على حضوركم
في السكاشن.. يا ريت اللي ماكنش بيحضر أو ماكنش بيركز في السكشن يبدأ يحضر
ويركز كويس..
عملي الهستولوجي
بيبقى فيه نوعين من الأسئلة زي ما عرفتوا أكيد..
الداتا شو والسلايدس..
بالنسبة للداتا شو الصور مش شرط خالص تيجي من الأطلس ممكن تيجي من أي سورس
تاني.. نصيحتي إنكم تتفرجوا على صور الأطلس مفيش مانع.. إنما الأهم الصور
اللي ع النت بجد روعة.. وبتعملك امتحانات تقيم بيها نفسك.. وبتشاورلك
بالأسهم وتكتب البيانات.. من الآخر لو ذاكرت الصور دي بما يرضي ربنا مش
هتبقى فيه مشكلة خالص في الداتا شو
أهم المواقع دي هي:
[You must be registered and logged in to see this link.]/
صوره روعة يا جماعة اتفرجوا عليها كويس..
[You must be registered and logged in to see this link.]
ودة تحل عليه.. تتعرف على الصور وتكتب بياناتها بالظبط زي ما بيتطلب منك في
الامتحان



بالنسبة للسلايدس.. طبعا كلكم نزلتوا صور السلايدس عندكم.. بس بجد بيفرق
جدا اللي اتفرجوا كويس على السلايدس تحت الميكروسكوب عن اللي ما اتفرجوش..
ولو 5 دقايق بعد كل سكشن.. يا ريت لو ماكنتش بتتفرج عليهم تبدأ من دلوقت
تشوفهم وباهتمام..
وعلى فكرة قبل امتحان آخر السنة بتنزل كل السلايدس تاني آخر سكشنين.. ودي
أحلى فرصة للي ما شافش وما اتفرجش إنه يشوف كل السلايدس تاني.. ويميز كل
سلايد عشان يتعرف عليها..
وفي الامتحان على فكرة بيتطلب منكم تكتبوا حاجة واحدة تميز الشريحة..
الحاجة اللي عرفتها عن طريقها.. ومش مطلوب أكتر من حاجة واحدة.. احفظ حاجة
واحدة بس مميزة لكل شريحة عشان تكتبها في الورقة بعد ما تتعرف ع الشريحة..

أفتكر امتحان الداتا شو بتاع يوم السبت اللي قرب دة فرصة كويسة تخليكم
تتفرجوا على الصور تاني وتراجعوها كويس.. وتختبروا نفسكم مرة واتنين..
وبإذن الله مش هتكون فيه أي مشاكل..

عملي البيو
معتمد بدرجة كبيرة جدا على حضور السكاشن بتاعة العملي
وتنفيذ كل التجارب عمليا.. لو نفذت التجارب بايديك وجربتها يبقى أهم حاجة
خلصت.. بتنزل قبل الامتحان بقى ملزمة صغيرة جدا كدة فيها خطوات كل التجارب
بالمختصر المفيد.. والجدول كمان اللي المفروض انك هتكتبه "التجربة،
الملاحظة، الاستنتاج" وكدة..

امتحان عملي البيو أسهل امتحان عملي في
الوجود لو انت عملت التجارب في السكاشن وما كسلتش وما غبتش..

ما تقلقوش من ناحيته خالص باذن الله..

عملي الأناتومي
بييجي زي ما انتو عارفين صور من الأطالس العالمية
المشهورة.. نيتر وأوكلاند وماكمن وكدة..
الأساس في الامتحان دة انك تكون اتفرجت ع الأطلس "صور أو فيديو" ولو كان
فيديو تاخد منه screenshots وتتفرج على الصور بتاعته كويس..
وعشان ما يبقاش فيه توهان في الأطالس رئيس القسم بيحدد أنهي أطلس اللي
هيجيب منه.. وبينزل كتاب العملي اللي بييجي منه معظم وليس كل الأسئلة..
فالاعتماد الأساسي في المذاكرة هيكون على كتاب العملي.. تتفرج على الحاجات
الموجودة فيه كويس وتحفظ بياناتها.. وأي حاجة يقولها رئيس القسم أو يلمح
إنها مهمة تتفرجوا عليها برضه..
وبعد كدة لو الموضوع عجبك أو كنت بتحب الأناتومي زيي ممكن تكمل فرجة على
باقي صور الأطالس..

بصراحة النظام دة أجمل من الجثث بكتير.. لأن الجثث أصلا مش واضحة لكن الصور
واضحة جدا ونقية.. وأحيانا بتفهمك حاجات في النظري ماكنتش فاهمها..
بالإضافة طبعا إلى إنكم دكاترة طبعا ومحتاجين تشوفوا الحاجة موجودة - في
أرض الواقع - وشكلها الحقيقي ايه.. مش الجثث..

طبعا دكاترة الأناتومي بيعملوا مراجعات للحاجات دي.. وما شاء الله مراجعة
دكتور مدحت ما خرجتش منها صورة في امتحان العملي اللي فات بتاع تانية..
المراجعات دي هتساعدكم كتير..
بس ما تعتمدوش عليها اعتماد كلي.. حاولوا تجيبوا الصور عندكم ع الجهاز
وتتفرجوا عليها دة أفضل كتير..

ربنا يجزيكى و يجزيه كل خير

ربنا يجزيكم عنا خير الجزاء

اكيييييييييييد ما قراتهوش كله
بس شكله كدة بيقول جميل
جزاك الله كل خير